Trés candidatures presentáronse pa exercer del Rei del Goxu y la Faba nel Antroxu d’Avilés de 2022 va un añu y quedaron en proyectu por mor de la pandemia. Tratase de les peñes Santa Jarra’, ‘Arrexuntaos’ y ‘Una y pa casa’. El plazu de presentación de candidatures terminó esti xueves pasáu y agora habrá de facese la escoyeta.
Peña Santa Jarra col lema “Fantasía: Un Antroxu de suañu”; Peña Una y pacasa! col lema “Érase una vegada… un Antroxu”; y Peña los Arrexuntaos con una tema sobro videoxuegos col títulu “Game over: Avilés vuelve xugar”, son les propuestes ente les qu’un tribunal d’espertos, que son los mesmos avilesinos y avilesines que quieran participar, tendrán d’escoyer la ganadora cola consiguiente conversión nos principales embaxadores y representantes de los antroxos avilesinos.
Ente’l 15 y el 30 d’ochobre abrirán alderiques públicos nos que, caúna de les candidatures, va defender les sos propuestes. Tres les votaciones n’urna y per internet, el día 30 de payares va dase a conocer al ganador o ganadora del procesu, coles mesmes, futuru Rei/Reina del Goxu y la Faba. Tamién se va conocer la tema monográfica sobro’l que va tratar el Antroxu.
De siguío reproduzse l’Alcuerdu pa la elección popular del Rei/Reina del Goxu y la Faba del Antroxu d’Avilés, que normaliza’l sistema d’elección del Rei del Goxu y la Faba, pa llograr un procesu popular y participativo, abiertu a la concurrencia de too ciudadanu o ciudadana que la deseye, y afita les funciones básiques del so reináu.