La XXV Edición del Festival Intercélticu d’Avilés, de la que’l so desenvolvimientu taba previstu ente’l 26 de xunetu y el 1 d’agostu de 2021, quedó suspendida. La decisión, tomada pola organización d’esti eventu, foi treslladada a la conceyalía de Cultura, que cada añu sofita a l’Asociación Cultural Esbardu na realización d’esta cita reconocida como Fiesta d’Interés Turísticu Rexonal dende 2008.
La organización del Festival Intercélticu y la conceyalía de Cultura van estudiar, a finales del branu, les posibilidaes pa la realización d’esta XXV edición notra fecha, siempres en función de les circunstancies concurrentes nel momentu.
La organización del Festival llamenta les molesties qu’esta decisión pueda causar ente siguidores del mesmu.