Los Servicios Sociales del Conceyu de Xixón acabe entamar el programa ‘Viviegamente’ pa favorecer l’avieyamientu activu saludable. Son en total 12 programes y 3 programes resumen, de 30 minutos de duración, nos que s’inclúin les actividaes que la Fundación entama nes Aules pa mayores’ de los Centros Municipales de Persones Mayores.
Cada capítulu espón conteníos rellacionaos cola motivación; como por exemplu exercicios d’actividá física pa persones mayores (dende’l calentamientu hasta la fase de respiración/relaxación); conseyos de nutrición, vezos saludables y vida activa; exercicios de estimulación cognitiva y memoria, y exercicios de motricidad para fortalecer el cuerpu y para desenvolver l’atención y la conversación.
L‘oxetivu ye tamién crear redes de sofitu y de relación, desaniciar la soledá, y sofitar psicolóxicamente a les persones mayores. La Fundación Municipal de Servicios Sociales desenvolvió esti formatu televisivu, una y bones la emerxencia social derivada de la crisis sanitaria causada pola Covid19 demostró que les actividaes presenciales que se veníen llevando a cabu teníen de tar acompañaes por actividaes de modalidá non presencial que pudieren llegar a toes y toos. Amás, los últimos estudios sobro la demanda de servicios pa persones mayores fáense ecu del aumentu de población bien avieyada con dificultaes d’accesu a determinaos programes presenciales y pa quien Internet supon una torga.