Fitur foi escenariu de la firma d’un alcuerdu de collaboración ente los conceyos d’Uviéu y de Valencia, alcuerdu que va tener que materializase nun conveniu ente dambes instituciones pa potenciar turísticamente dambes ciudaes, y que tendrá de ser aprobáu en xunta de gobiernu.
El conceyal de Turismu del Conceyu d’Uviéu quixo destacar que “la conexón aérea directa qu’esiste ente Uviéu y Valencia tien de ser aprovechada pa potenciar turísticamente el nuesu conceyu”. Quintana quixo recordar que “hasta abril hai dos conexones selmanales, que van ser trés a partir de mayu, polo que ye una oportunidá d’oru pa potenciar el nuesu turismu gastronómicu, con tolo que tenemos pa ufiertar a quien dende ellí pueden venir visitanos, polo que nun quixímos esbardiala”.
Esti foi un finxu más productu de les múltiples xuntes que la delegación uvieína movida a Fitur caltuvo mientres los dos últimos díes de la Feria, axenda intensa que de xuru se vea traducida en grandes oportunidaes de negociu pal conceyu a nivel turísticu, y que s’enmarca dientro de la estratexa de promoción y espardimientu de la ciudá que ta llevando a cabu l’actual equipu de gobiernu..- Fitur foi escenariu esti mediudía de la firma d’un alcuerdu de collaboración ente los conceyos d’Uviéu y de Valencia, alcuerdu que va tener que materializase nun conveniu ente dambes instituciones pa potenciar turísticamente dambes ciudaes, y que tendrá de ser aprobáu en xunta de gobiernu.