Güei llunes, a la una la tarde, na plaza’l Conceyo de Tapia va ponesel ramu al XII FIDO, un festival quentamare va cinco díes y que tien yá convocada la so edición pa 2009. Sicasí, y enantes de terminar, a les 11:30, nel aula del Institutu Marqués de Casariego, va clausurase oficialmente la esposición Tapia na alcordanza y a les 12 hores, la organización del FIDO va entamar una charra alderique sobre’l festival tapiegu.
Pel escenariu del FIDO 2008 pasaron grupos como la Bandina El Koku la Mazana, los catalanes Keympa, l’escocés Fred Morrison, los irlandeses Craobh Rua, los ingleses Flook y los gallegos Xerfa, tando Asturies representada por, ente otros, Darbuka, Gomeru y el maestru gaiteru Xuacu Amieva.