Rector y Presidenta de l’ALLA entreguen esta tarde los diplomes de la Universidá Asturiana de Branu

El Rector de la Universidá d’Uviéu, la Presidenta de l’Academia de la Llingua Asturiana y l’Alcalde de Cangas del Narcea piesllen oficialmente’l programa d’actividaes de la Universidá Asturiana de Branu (UABRA). L’actu sedrá esti vienres 14 de setiembre, a les 19:00 hores, nel Paraninfu de la Universidá d’Uviéu, allugáu na cai San Francisco.

Nos cursos participaron más d’un centenar de persones nos niveles que s’impartieron: Cursu Elemental de Llingua Asturiana, Cursu Avanzáu de Llingua Asturiana, los Cursos d’Afondamientu Cultural y Llingüísticu Capacitación pa la Traducción al Asturianu, Internet y escuela. Nueves aplicaciones socioeducatives, Ecoloxía y Mediu Ambiente n’Asturies, Cantares, bailles ya instrumentos musicales asturianos y la segunda fase del Curso de Capacitación en Gallego-Asturiano.

A lo llargo del actu, que se fairá dafechu n’asturianu, intervendrán la Presidenta de l’Academia, Ana Mª Cano González, l’Alcalde de Cangas del Narcea, José Luis Fontaniella y el Rector de la Universidá d’Uviéu, Vicente Gotor.