Esti xueves, 24 de xunu, a les 12 hores, nel llar de l’Academia de la Llingua Asturiana preséntase l’Avance de Resultados de la III ENCUESTA SOCIOLLINGÜÍSTICA DEL NAVIA-EO.
Esti trabayu, dirixíu pol sociólogu Francisco Llera Ramo, describe la situación sociollingüística d’esta fastera d’Asturies y les demandes de política llingüística de la so población. Hai que sorrayar que l’anterior estudiu féxose va cuasi 20 años, colo que los datos del actual espeyen la evolución nun espaciu temporal abondo llargu. La Encuesta Sociolingüistica del Navia-Eo ye daqué fundamental pa poder poner en práutica una política llingüística que s’afaye a la realidá del Navia-Eo.
Nel actu intervendrán Xosé Antón González Riaño, presidente de l’Academia de la Llingua Asturiana y Francisco José Llera Ramo, direutor del Equipu Euskobarómetro y autor del estudiu.
Aguardando poder cuntar cola so presencia, reciba un saludu candial.