Nicki Minaj sosprendió a los sos más de 20 millones de siguidores en Twitter con un anunciu inesperáu. La rapera comunicó que se retira de la música para empezar una familia col so prometíu, Kenneth Petty.
La intérprete de temes como Bang Bang publicó un tuit onde podía lleese “decidí retirame y tener una familia”, y unu pidimientu a los sos fans por que siguieren sofitándola nesta nueva etapa qu’entama. Un sorprendente mensaxe que terminaba con un “quiérovos pa tola vida”. Asina, la intérprete norteamericana pon puntu y final a una carrera imparable que remata cola so tema Megatron, publicáu este mesmu branu.
Nicki Minaj y Kenneth Petty tienen previstu casase nos próximos meses. Una boda que nun ta exenta de discutiniu, pos el pasáu criminal del prometíu de Minaj provocó enforma movición ente les sos fans. Petty ta rexistráu como abusador sexual nel estáu de Nueva York, amás de cumplir xuna condena de siete años de cárcel por asesinatu.