L’área de Mocedá del Conceyu d’Avilés programa una nueva serie de charres sol títulu de ‘Los vienres de la Noria con…’ que van tener llugar nel edificiu de La Noria del parque de La Ferrera, see de les actividaes del espaciu Bienestar Emocional Prevención y Autocuidado (BEPA) pala mocedá
Nesta ocasión van arrincar el vienres 9 d’avientu sol títulu ‘Adolescencia. ¿Fraxilidá o tresformamientu?’. Van Ser cuatro charres para les families que tienen como finalidá ayudar nel retu d’acompañar nel tresformamientu a un ser adultu. Cuenta cola participación de les psicólogues Blima García y Lucía Feito.
Les trés sesiones siguientes van tener llugar el 16 d’avientu, y 13 y 20 de xineru. Va ser n’horariu de 17:00 a 18:30 hores. Ufiértense 25 places y les inscripciones van ser por rigorosu orde d’inscripción nel corréu juventud@aviles.es indicando la charra y el día para’l que quieren inscribise