La Conseyera de Cultura y Turismu del Principáu, Mercedes Álvarez González, asistió esti mediudía en Ribesella a l’abertura de la Selmana de les Lletres Asturianes que na so trixésima edición ta dedicada a la escritora Enriqueta González Rubín, la primer autora en publicar llibros de prosa n’asturianu.
La responsable autonómica tuvo acompañada nesti actu pola directora xeneral de Política Llingüística, Consuelo Vega Díaz.
La edición del 2009 va dedicase a Enriqueta González Rubín con un programa d’actos organizáu conxuntamente pol Principáu d’Asturies, l’Ayuntamientu de Ribesella y l’Ayuntamientu de Llanes, onde esti mesmu añu se llocalizó un exemplar del llibru ‘El viaxe del Tíu Pacho el Sordu a Oviedo’, publicáu en 1875 y que ye la primer obra de narrativa publicada n’asturianu.