El Conceyu d’Avilés ameyora la programación navidiega d’esti añu con más actividaes de cai, un ciclu de cine infantil y xuvenil y la recuperación del ciclu de teatru xovenEscena.
Tamién se va celebrar una ventena de torneos y actividaes deportives, ente les que destaquen el Tornéu Internacional de Balonmanu “Ciudad d’Avilés” (18 al 20 avientu), la San Silvestre del 31 d’avientu -qu’anguaño inclúi una Exhibición de Marcha Nórdica- o’l Troféu Natación “La Madalena”.
Les conceyalas de Cultura y eventos, Yolanda Alonso y Ana Hevia, presentaron esta selmana’l programa completu d’actividaes, qu’entamaben darréu col encendíu del llume navidiegu de cais y places del cascu urbanu y la decoración ornamental de la plaza d’España y les portalaes.
Repiten nel programa eventos clásicos como’l Mercadín de Navidá, la feria d’Avientu, Imaxina, la Esposición de Belenes o la Cabalgata. Ya incorpórense títeres, musicales, recitales de villancicos y el tren navidiegu
Una ventena de torneos y actividaes deportives, ente les que destaquen el Tornéu Internacional de Balonmano “Ciudad d’Avilés” (18 al 20 avientu), la San Silvestre del 31 d’avientu -qu’anguaño inclúi una Exhibición de Marcha Nórdica- o’l Troféu Natación “La Madalena” (4 y 5 xineru).
Xovenescena vuelve con dos propuestes escéniques pa los más nenos nel Palaciu Valdés: “Tragasueños” y “Tom Sawyer, detective”, dambes sofitaes pol públicu y la crítica: Premiu de la Crítica al Meyor Espectáculu Familiar 2014 y Premiu del Teatru Musical 2015, respetivamente.
El nuevu ciclu de cine infantil y xuvenil inclúi 5 proyecciones na Casa de Cultura a les 12 hores Equí pue vese’l programa completu d’actos.