Los rapazos de L.lena y Siero deprenden a usar los preservativos n’asturianu “pa nun enguedeyase”

Y ye que’l “ponlu, pón-ylu” yá nun ta de moda y en L.lena y Siero, la nueva campaña d’educación sexual pa mozos asoléyase embaxo’l lema “Enguedeyástite nin, enguedeyástite ne” y va incluyir el repartu de 1.500 preservativos con esti lema, ente los mozos del conceyu de L.lena, onde yá ta en marcha la campaña. Amás va entregase un folletu con información pa caltener una vida sexual sana, tamién n’asturianu.

La campaña va completase con talleres n’asturianu nos IES del conceyu, con temes como la homosexualidá o la protección frente a enfermedaes y embarazos non deseaos.

Nel conceyu de L.lena, entamen amás otra campaña d’información “En L.lena sellamos n’asturianu”, na que s’anuncia’l cambiu de tolos sellos del ayuntamientu al asturianu.

Related posts

Llega Mieres Aventura pa ufrir actividaes d’ociu y deporte gratuitu mientres xineru

Retómense los grupos de conversación n’asturianu del Conseyu la Mocedá de Xixón

Abrense los plazos d’inscripción pal programa Xixón Branu 2022