El miércoles 28 d’ochobre a les 20 horas, nel patiu del Centro de Cultura Antiguu Institutu, el Coru Luis Quirós va ufrir l’espectáculu El soníu de les pallabres, dientro de los sos conciertos de Taller.
El soníu de les pallabres ye’l conciertu d’un coru faciendo sonar el so cuerpu. El marcu ye la recreación d’una serie de partitures escrites nel sieglu XX por compositores que pertenecíen a les denominaes vanguardies. Al so llau incorpórense testos poéticos.
El programa percuerre lo aleatorio, la fonética, lo xestual y el rigor matemático, y arréglase col discursu didácticu: el mesmu intérprete esplicando la so interpretación. Tola música del espectáculu xira en redol a la pallabra: cantada, pensada, articulada, recitada, albidrada, bisbisada, remembrada… Una perinteresante ufierta na programación musical de Xixón.