L’Asociación Cultural Serondaya allega esti sábadu a la so cita cola música en directu con un nuevu ciclu de los sos CONCIERTOS DE LA PANADERÍA. Esti singular ciclu musical algama la so docena edición y convirtióse yá en toa una referencia nel mundu de la música n’Asturies y fora d’Asturies.
Los conciertos celebrense nel local social de Serondaya, en Cenera, pa les nueches de los sábados de febreru, marzu y abril, con entrada gratuita hasta completar aforu.
CORRIENTES
Corrientes ye un grupu de música formáu por cinco chavales asturianos. Resúlta-yos difícil identificase con un xéneru musical al completu pero podría dicise que tienen tintes de rock, pop y indie. Siendo el ganadores de la XXXVII y última edición del Concursu de Maquetes Pop y Rock” de los 40 Principales d’Asturies van publicar el so primera EP antes del entamu del branu de 2023, amás de tener publicaos dellos singles en toles plataformes dixitales.
Carlos Monesteriu Arruquero “Charly”: ye una de les voces principales de Corrientes amás del guitarrista principal y encargáu de producción. Guillermo Vega Viña “Will”: completa’l dúo de voces principales amás d’interpretar la guitarra rítmica. Miguel Martínez Fernández “Michi”: ye’l teclista, corista y percusionista de Corrientes. Samuel Carballo Pacheco “Samuels”: ye la batería de Corrientes. Victor Benavides Alonso-Villaverde “Venabass”: ye’l baxista de Corrientes. Victor Gutiérrez Fernández “Chinu”: ye’l técnicu de soníu encargáu de les actuaciones en directu y los amiestos de les maquetes de Corrientes.