La Fundación Municipal de Cultura de Siero entama una nueva edición de “Les Nueches de La Cebera”, un ciclu de música y teatru que se va celebrar nesta área verde de Llugones n’horariu nocherniegu y con llume artificial. Música y teatru van completar esti ciclu, que se va celebrar en Llugones del 1 al 4 d’agostu.
Esta va ser la decimocuarta edición de “Les Nueches de La Cebera”, programa cultural que respuende a una esmolición vecinal de la localidá. Les ediciones anteriores pesllaroncon un notable ésitu de públicu.
Tratase d’un programa eclécticu que va aunir música y teatru. Los espectáculos van tener llugar ente’l 1 y el 4 d’agostu y van dar empiezu a les 22 hores. En casu d’agua, les actuaciones van treslladar al Centru Polivalente Integráu de la localidá.
La Finca La Cebera ocupa xuna superficie de 300.000 metros cuadraos y na mesma fueron catalogaes más de 2.000 especies arbóreas, lo que la convierte n’unu de los principales pulmones verdes del centru d’Asturies. Pola so sonoridá y guapura, ufierta xunas condiciones aparentes p’acoyer espectáculos al campu. La entrada va ser gratuita, magar les localidaes d’asientu van tar llindaes a 175 sielles.