La compañía xixonesa Teatro del Cuervo va poner n’escena “Bojiganga”, prosa y versu; humor y drama; un espectáculu que reivindica l’actualidá de los clásicos. La cita va ser esti vienres 9 d’avientu, a les 19.30 hores, nel Centru Polivalente Integráu de Llugones.
Apuraos pola falta de trabayu, cuatro actrices y un actor deciden montar un clásicu. Convertir n’una Bojiganga, un tipu de compañía itinerante de los sieglos XVI y XVII.
Testos de Lope de Vega, Calderón de la Barca y Cervantes acaben enxareyándose coles sos propies peripecies. Prosa y versu, humor y drama, un espectáculu que reivindica l’actualidá de los clásicos. Bojiganga ye una fiesta del teatru.