Mientres esta cuarentena, los artistes amosaron per tol mundu la so faceta más solidaria con pequenos conciertos en directu al traviés de les sos redes sociales col fin de amenizar los díes a los sos siguidores. Siguiendo este mesmu formatu, dende los sos llares y sol eslogan de “xuntos en casa” -One World: Together at Home-, grandes figures de la música diéronse cita nun macroconcierto solidariu para recalda fondos na llucha contra’l coronavirus.
La Organización Mundial de la Salú taba detrás d’esti maratón musical de 8 hores, que cuntó con Lady Gaga como madrina, y que pudo vese en tol mundu al traviés de Youtube dende les 20h n’España. Tuvieron presentes llexendaries figures como Paul McCartney, Elton John o Stevie Wonder, a les que se xunieron les estrelles del momentu como Billie Eilish, John Legend, Céline Dion o Lizzo. Tampoco faltaron los ritmos llatinos de J.Balvin, Maluma, Luis Fonsi o Jennifer López.