El Conceyu d’Uviéu, al traviés de la conceyalía d’Educación, anunció l’apertura de les dos escueles infantiles qu’entá nun pudieren empecipiar el cursu escolar, debíu al retrasu nes pruebes PCR al personal docente y non docente que ta efectuando la conseyería.
Dende’l Conceyu señalen que, una vegada concluyéronse estes pruebes, yá se ta en condiciones d’abrir la escuela de 0 a 3 de La Florida esti mesmu vienres 18 y la de Rubín el próximu martes 22 con toles garantíes de seguridá sanitaria.
La conceyala d’Educación del Conceyu d’Uviéu, Yolanda Vidal, señaló que “nuevamente llamentamos el perxuiciu que se causó a les families, pero dende’l Conceyu foi imposible cumplir el plazu que marcáramos para facilitar la conciliación familiar abriendo’l pasáu llunes 14. Los tiempos marcaos para faer les pruebes PCR retrasaron l’apertura unos díes, anque a lo llargo d’esta selmana consiguimos dir abriendo de manera paulatina les siete escueles de 0 a 3 con totales garantíes de seguridá ya hixene sanitaria”, señala Vidal.