L’Academia Sueca encargada d’otorgar el Premiu Nobel de Lliteratura cada añu arrenunció a comunica-y directamente al estadounidense Bob Dylan qu’algamara so máximu galardón de les lletres universales. Demientres cuatro díes, los sos representantes intentaron ponese en contactu col cantautor, ensin ésitu.
Foi la mesma secretaria permanente de l’Academia Sueca, Sara Danius, quien esti llunes reconoció’l so desistimientu a la emisora pública Radio de Suecia. Lo máximo que la institución consiguió foi falar col axente del músicu y con otres persones de la so redolada. Les voces sobre’l posible arrenunciu del Nobel de Dylan dispárense, dempués de que’l músicu nun fixera nenguna declaración pública. Nin siquier fixo comentarios al respective nos conciertos que dio nos últimos díes.