La Xunta de Gobiernu de la Sociedá Uvieina aprobó’l regresu de la feria ganadera de L’Ascensión a Uviéu col sofitu de tolos grupos, sacante’l PP.
La propuesta del presidente de la sociedá, Roberto Sánchez Ramos, foi aldericada y aceptada por tolos mimebros de la Juanta sacante la representante del PP, Belén Fernández Acevedo. La Feria va celebrase nel suelu municipal disponible na zona d’El Cristu-Montecerrao.
Per otra parte, la entidá dio lluz verde a parte de la programación navidiega con un presupuestu global de 62.797 euros .Ente les novedaes destaca’l traslladu de la recepción que los Reis Magos d’Oriente van ufiertar a los neños y neñes uvieines a la redoma del Campu de San Francisco. El parque va ser l’escenariu de diverses actividaes infantiles a lo llargo de toles fiestes . La Xunta de Gobiernu va aprobar nuna próxima xunta la Cabalgata de Reyes, que los sos detalles tar peracabando.
Fnalmente, la xunta de gobiernu acordó por unanimidá solicitar a los técnicos de la SOF un informe sobre’l procesu de programación y contratación de los conciertos de La Ería nes fiestes de San Mateo 2015 y, en concretu, del recital qu’ufiertó Raphael.
Por cuenta de la celebración de les Fiestes de Navidá, el Conceyu d’Uviéu-SOF ellaboró una programación nel Campu de San Francisco demientres los díes 18 d’avientu al 3 de xineru inclusive, como complementu a la celebración de les Recepciones del Príncipe Aliatar y de los Reis Magos que van tener llugar nel Edificiu del Pavu Real nel mentáu Campu.
Mientres los díes previos a la Cabalgata de Reyes, concretamente’l 30 y 31 d’avientu y 1, 2, 3 y 4 de xineru, nel edificiu del Pavu Real –Paséu de la Ferradura del Campu de San Francisco-, n’horarios de 12:00 a 14:30 y de 17:00 a 20:00 h. (el 4 de xineru n’horariu de mañana solamente) el Príncipe Aliatar va recibir a tolos neños y neñes que s’averen a lleva-y los sos pidimientos y fadrá-yos entrega d’un regalu.
El personaxe del Príncipe Aliatar va tar encarnáu pol conocíu actor asturianu José Luis San Martin, del Grupu de Teatru Marxe, al que van acompañar 2 paxes, pertenecientes a la Comunidá Senegalesa afincada na ciudá. Y el día 5 de xineru, nel mesmu llugar, a partir de les 12.00 h., va tener llugar la Recepción Oficial de SS. MM. los Reis Magos, a partir de les 12.00 h.
Mientres los díes 30, 31 d’avientu y del 2 al 5 de xineru, diverses agrupaciones corales van dar ambiente a la redolada n’horarios de mañana y tarde: Coru del Centru Social Villa Madalena, del Centru Social d’Oteru, Reconquista, San Javier, Vetusta, del Centru de Mayores de la Tenderina, Joven Coru de la Fundación Princesa d’Asturies, Coru Mistu Peña Nalón, Píccolo Pumarín, Coru de Muyeres de San Esteban, La Corredoria, Asociación Cultural Cares, Residencia Santa Teresa, del Centru Social Cuadonga, la Banda Sinfónica de la Escuela Municipal de Música y Banda de Gaites Vetusta,