La ciudadanía mundial va movilizase énte la emerxencia climática y amuesa el so sofitu a la Fuelga Mundial pol Clima del próximu 27 de setiembre, convocada por un bon conxuntu d’organizaciones ya instituciones.
Alredor de mediu millar d’organizaciones yá amosaron el so sofitu a la convocatoria de Fuelga Mundial pol Clima del próximu 27 de setiembre y hai convocaes casi un centenar d’actividaes en numberoses ciudaes y pueblos pal próximu 27 de setiembre en sofitu a la Fuelga Mundial pol Clima.
El pasáu vienres 20 de septiembre millones de persones enllenaron les cais de too el mundu desixendo midíes concretes y efectives pa lluchar contra la emerxencia climática y socioecológica na qu’atopamos. Nel casu d’España, la cita va ser el próximu vienres 27 de setiembre cuando hai convocaes numberoses movilizaciones n’ensame de conceyos de too l’Estáu. Un llamamientu que s’amplía a una fuelga de consumu, concentraciones y asamblees de trabayadores y trabayadores o zarros d’organizaciones y empreses, pa esti próximu vienres.
Dende’l llanzamientu, el pasáu mes de xunetu, del manifiestu en defensa del presente y el futuru, d’un planeta vivu y de un mundu xustu, que remata cola Fuelga Mundial pol Clima, yá se xuntaron a la convocatoria alredor de mediu millar d’organizaciones.
Nel casu d’Asturies ta convocada una manifestación el próximu vienres 27 de setiembre con entamu a les 19:00h na estación de Renfe d’Uviéu.