Apple Music, el serviciu de música en ‘streaming’ de la compañía de California, ye oxetu d’investigación pa los comités que xixilen la llibre competencia nos estaos de Nueva York y Connecticut.
Los tribunales consideren que la compañía podría beneficiase de la so posición de fuerza pa faer competencia desleal huna investigación que parte de delles denuncies nos medios qu’aseguraben qu’Apple ta primiendo a productores de música por que vendan nel so servicio n’esclusiva, perxudicando asina a otros competidores como Youtube o Spotify. La Comisión Europea yá empecipió una investigación asemeyada, nel so casu, a partir d’una demanda formal.
Apple Music presentóse nel mercáu a partir de l’alquisición de Beats Music, que se cerró en mayu de 2014. El sistema operativu iOS 8.4 va traelo incluyío y ufriráse a un preciu de 9.99 dólares al mes (8,9 euros). En 2014, la compañía aceptó pagar 450 millones de dólares (403 millones d’euros) nun alcuerdu que cerró una demanda por males práctica nel mercáu del llibru electrónicu.