«Cansaos» y «fartos» los docentes de la escuela alcordada asturiana empecipiabem esta selmana unes movilizaciones que, alverten dende’l principiu, nun van rematar hasta que se consiga un alcuerdu.L’oxetivu, una equiparación salarial colos docentes de la pública que saben, en culquier casu, que nun podría consiguise d’una sola vegada. Pero quieren ver «un pasu», un acercamientu, una mesa de negociación que se ponga nel camín de dir amontando’l salariu de los casi 3.000 profesores de la rede alcordada para «dexar de ser los peor pagaos d’España».
Tres munchos años de conversaciones y esperes aseguren que nun puen aguantar más. Les diferencies en Secundaria pueden llegar a los 13.000 euros y creen que llegó’l momentu de dicir basta. Por eso, aseguren que la concentración de güei va ser l’entamu d’unes protestes que piensen allargar hasta mayu, si antes nun hai nengún acercamientu. Hasta entós, nun refuguen nada, convocar una manifestación ya inclusive una fuelga.