La Escuela Municipal de Cerámica ufierta pa la próxima temporada, que s’empecipia n’ochobre na Factoría Cultural, cinco cursos de formación para adultos y que van empobinaos tantu al alumnáu ensin empecipiar como pa quien vaya a la gueta la la investigación y tamién a los y les profesionales nesti campu de l’artesanía que, lóxicamente, tienen que tener conocencies previes.
Esta ye la propuesta formativa:
INICIACIÓN: Técniques de mesa, tornu y decoración cerámica.
EL TORNU: Base del procesu creativu.
PERFECCIONAMIENTO: Investiga con tierra y cerámica.
PROYECTU PERSONAL.
DESENVOLVIMIENTU PROFESIONAL CERÁMICU: Producciones profesionales.
El períodu de matriculación va del 13 al 24 de setiembre y va ser presencial na Factoría Cultural: de 9:00 a 14:00 hores de llunes a vienres y los miércoles de 17:00 a 19:00 hores. Ye necesariu solicitar cita previa al traviés de la web municipal. L’importe de la matrícula ye de 60 euros y el de caúna de les mensualidaes, de 31 euros.
Tolos cursos fainse con controles calidable y colos correspondientes protocolos sanitarios y de seguridá.