La Col.la Propinde toca esti domingu nel Teatru Vital Aza de La Pola L.lena

El célebre grupu asturianu de folk-fusión La Col.la Propinde, va facer un conciertu-presentación esti próximu domingu 28 de Marzu. Nel mesmu, va asoleyase’l so tercer trabayu discográficu, “A Teyavana”.La cita va ser a partir de les 19.30 hores, con delles sorpreses.

Nesta ocasión, el grupu cunta cola collaboración d’Esther Fonseca, que pon voz al cantar “2417”. “A teyavana” foi grabada nos estudios Tutu ente mayu y setiembre, cola producción de Sergio Rodríguez y Ánxel González.