La cabalgata de SSMM los Reis Magos d’Uviéu bate récords de participación. La conceyalía de Festexos cerró les inscripciones en llegando a los 1.600 figurantes, ente pasos, grupos y bandes.
“Son 300 participantes más que l’añu pasáu y sígennos llegando solicitúes. Quedaron fora xunas 200 persones y yá nun hai más traxes. “Estimamos l’ábanu de demandantes pero, lamentablemente, nun podemos almitir a más”, señalaba la conceyala de Festexos, Cuadonga Díaz.
La cabalgata de los Reis Magos d’Oriente va salir el próximu día 5 de xineru, a les 18:30 hores, de la cai Independencia y va trescurrir per Uría, Fruela, Pozos, Ramón y Cajal, Eusebio Glez. Abascal, Plaza de la Catedral –onde va tener llugar la tradicional Adoración de SSMM-, Águila, Xovellanos, Argüelles, Plaza del Carbayón, Alcalde García Conde, Cuadonga y Melquiades Álvarez hasta llegar de nuevu a Independencia.