La vocalía d’Asturies Esterior d’Iniciativa pol Asturianu acaba entamar una campaña cola que quier empobinar a los Centros Asturianos la necesidá de que nes celebraciones del Día d’Asturies la llingua asturiana tenga una presencia nomada.
Iniciativa considera qu’eso ye lo que correspuende a cualaquier celebración que tenga a Asturies y la so cultura como motivu. Iniciativa pol Asturianu va facer llegar a tolos centros asturianos material publicitariu como cartelos onde se fai alcordanza de la necesidá d’usar llingua y precisamente “porque ye un patrimoniu de nós, nel Centru ASTURIANU, usa la llingua d’ASTURIES, nel Día d’ASTURIES (y siempre…)”.