L’Institutu Nacional de Ciberseguridad (INCIBE), entidá dependiente del Ministeriu d’Enerxía, Turismu y Axenda Dixital, va tar presente nel Cume d’Industria y Tecnoloxía, CITECH, que se va celebrar del 27 al 29 d’abril en Xixón (Asturies) y va ufrir a a los neños de Xixón actividaes pa faer un usu seguru d’Internet.
INCIBE, al traviés de la Oficina de Seguridá del Internauta (OSI) ya Internet Segura for Kids (IS4K), va aprovechar esti eventu para introducir a neños y padres na cultura de la ciberseguridad y concencialos sobro la importancia de conocer los riesgos que entraña Internet. “Namái faciendo un usu seguru de la Rede, vamos poder beneficianos de les infinites ventayes qu’ufierten les tecnoloxíes ensin correr nengún peligru”, recuerden dende INCIBE y señalen que los padres tienen d’implicase na xera de la educación dixital.
Según la encuesta del Institutu Nacional d’Estadística (INE) sobro equipamientu y usu de les tecnoloxíes d’información y comunicación de los llares relativa a 2017, el porcentaxe de los menores, a partir de 10 años, que son usuarios d’Internet xube al 95,1% polo qu’el so usu ye prácticamente universal. En CITECH va incidir en que nun puede esistir la innovación ensin seguridá y va encetase la importancia de la ciberseguridad na familia, nos menores, na sociedá polo xeneral y na industria.
El stand itinerante ‘El to espaciu de ciberseguridad’ cunta con 42 metros cuadraos de superficie y tien como oxetivu que neños y padres apriendan ciberseguridad mientres se presten.