La cantante británica Adele batió esta selmana un récord en YouTube al algamar el so videoclip Hello los 1.000 millones de visites en tan solo 87 díes, informó’l xueves la plataforma d’Internet.
El récord teníalu hasta agora’l surcoreano Psy, que’l so superéxito Gangnam Style consiguió en 2012 los 1.000 millones de clicks en 158 díes. El vídeu musical de Gangnam Style sigue siendo’l más esitosu de YouTube, con más de 2.500 millones de visites.
Según YouTube, anguaño hai 17 videos que llograron más de 1.000 millones de visites, ente ellos Sugar, de Maroon 5, y Love The Way You Lie, de Eminem.
YouTube yá fala de nuevos vídios que podríen algamar los mil millones de visites: “¿Quiciabes Shakira, Ed Sheeran o Ellie Goulding?”