Esta selmana pasada la multinacional Disney anunció qu’el 24 de marzu de 2020 la so plataforma de streaming de vídeu (Disney+) va tar disponible n’España por 6,99 euros al mes. Asina, a partir d’esti día, los internautes del país van tener una páxina web de pagu más pa ver películes y series.
A pesar de que Netflix convirtióse na televisión del planeta (recién anunció qu’en 2019 aumentara la so resultancia operativa nun 62%), otres empreses nun arrenuncien a tratar de faese un buecu nesti mercáu. Dalgunes de les más conocíes d’esta llista son Google (al traviés de YouTube Premium), Apple (gracies a Apple TV+), Amazon (Amazon Prime Video) y Warner Media (HBO+).
Esta infografía de Statista amuesa’l preciu mensual de les suscripciones de dalgunos d’estos provisores de streaming n’España. La so cuantía esacta, que depende de la ufierta de conteníu y del númberu de cuentes disponibles, varia de los 15,99 euros mensuales de Netflix Premium a los 3 euros al mes de Amazon Prime (esti postreru, nel casu d’un pagu únicu añal).
Fuente: es.statista.com