Google presentó nel so eventu “Made by Google” los sos primeros auriculares independientes, bautizaos como Pixel Buds, colos que la empresa va tratar de faese un buecu nel segmentu de los auriculares inalámbricos, apoderáu anguaño polos Apple AirPods.
Estos, que van funcionar al traviés de Bluetooth, van tar disponibles a partir de la primavera de 2020 por un preciu de llanzamientu de 179 dólares n’Estaos Xuníos. Tal que amuesa esta infografía de Statista, el mercáu de los auriculares intelixentes (esto ye, que realicen más funciones amás de tresmitir soníu) ta n’alza. Según estimaciones de la consultora de tecnoloxía IDC, nel primer semestre de 2019 vendiéronse 31,8 millones d’estos dispositivos, frente a los 9,1 millones del mesmu periodu del añu anterior.
Fuente: es.statista.com