Embaxo’l títulu de “El trunfu de la audacia” una charra, que va tener llugar nel Muséu del Ferrocarril d’Asturies esti 20 d’ochobre a les 19 hores,va cuntar los 150 años que se cumplen del proyectu ferroviariu de Payares.
Estos díes cumple sieglu y mediu desque l’inxenieru Javier Sanz roblara’l proyectu definitivu pal ferrocarril del puertu de Payares. Anque oxetu de dellos cambeos posteriores, esi proyectu determinó la vía que llegó hasta los nuesos díes y les sos idees apurrieron un enfoque moderno y coraxoso a unu de los grandes problemes qu’hubo d’encarar la inxeniería española del sieglu XIX. Nesta charra vamos recordar la efemérides y vamos repasar los aspeutos principales d’esi proyectu, de la so xénesis y de la so execución final, cola vista puesta nel presente y el futuru inmediatu de la rampla.
Muséu del Ferrocarril d’Asturies
20 d’ochobre de 2022 a les 19:00