La Obra Social de La Caixa presentó esti miércoles la programación del so centro social en Madrid pa la temporada 2015-2016 na que van destacar dos esposiciones realizaes con fondos del Louvre.
‘Dibuxando Versalles’, per un sitiu, amuesa, per primer vegada dende’l sieglu XVIII, los cartones y dibuxos preparatorios que Charres Le Brun realizó pal Palaciu de Versalles, que gracies a “la Caixa” fueron restauraos espresamente pa esta amuesa.
Le Brun foi l’artista, pintor y diseñador más importante de les primeres décades del reináu de Luis XIV. Amás de ser el primer pintor del llamáu Rei Sol, dirixió la fábrica Gobelins, supervisando la producción de tapices y moblame de los palacios reales.
El segundu proyectu en collaboración col muséu parisín ye ‘Muyeres de Roma’, col que va afondar nel variáu papel de les muyeres na sociedá romana. El visitante va poder reparar alredor de 200 pieces procedentes de redolaes doméstiques, qu’afayen el cambéu de mentalidá que se produció na cultura romana. Coles mesmes, nel branu de 2016, Goya, Cézanne, Manet, Courbet, Sisley, Van Gogh, Degas, Picasso, Modigliani, Kandinski, Pollock y Rothko van tar presentes gracies a ‘Conversaciones’, una selección de les meyores obres de la Phillips Collection de Washington.