El Grupu de Baille San Félix sigue celebrando los sos 40 años d’esistencia nesti 2023 y depués del éxitu del Bailla na Plaza solidariu col Bancu d’Alimentos d’Asturies del mes de marzu, agora ta llevando alantre dellos talleres na capital carreñina sobre dellos aspectos al rodiu de la cultura tradicional.
Esti próximu sábadu 1 d’abril a les 11:30 hores na Casa la Cultura de Candás, el musicólogu y compilador Adrián Méndez va falar sobre bailles recoyíos nos dos llaos de la llende ente Galicia y Asturies, pa depués facer un taller de baille colos/es participantes.
L’actividá (que tien un preciu de 11 euros) pue continuase xintando nel Restaurán El Cubano (charra+taller+xinta a un preciu de 29 euros)
Pa más información y matrícula hai que comunicase per Whatsapp col númberu 676804369.