El Conceyu d’Uviéu, al traviés de la conceyalía de Centros Sociales, vieno acabante poner en marcha les visites empuestes “Conoz el to Conceyu dirixíes a usuarios de los centros que tean comenenciudos en conocer la casa consistorial per dientro, el so funcionamientu y l’hestoria del edificiu y de les obres d’arte que contien.
El conceyal delegáu d’Edificios y Patrimoniu, Luis Pacho, va ser l’encargáu de faer de cicerone de les visites gratuites qu’empezaron yá esta selmana. Los interesaos en participar tienen d’allegase al so centru social más próximu nel que los dinamizadores informarán-yos sobro estes visites de puertes abiertes y lo que tienen que faer p’apuntase. Entamar en grupos d’unos quince persones, van desenvolvese cada quince díes n’horariu de tarde.
Les visites tienen una hora y cuartu de duración averada y consisten nuna combinación de la hestoria d’Uviéu, hestoria del Consistoriu, cómo se desenvuelve l’actividá institucional y la relación del ciudadanu col Conceyu. Nestes visites va esponese, ente otres coses, la simboloxía y elementos del Edificiu noble, como’l sable de Riego y el Pendón d’Uviéu y les semeyes de tolos reis asturianos, ente otres munchos intereses.