Coincidiendo cola cellebración del XXXI Salón Internacional del Comic del Principáu d’Asturies en Xixón, el Centru de Cultura Antiguu Institutu va agospiar una amuesa de los trabayos espublizaos pol dibuxante norteamericanu Michael Golden. Va tar disponible dende’l 9 hasta´l 13 d’ochobre y la entrada ye gratuita.
Michael Golden ye un de los dibuxantes más importantes e influyentes del cómic norteamericanu d’anguaño y participó en series como “The Nam”, “Man- Bat”, “Gi-Joe”, de la que fue un de los sos impulsores, “Los Vengadores” o “La Patrulla X”.