El calendariu escolar d’esti cursu ye yá conocíu, pero, como cada añu, al entamu, faltaba una cuestión por detallar: los díes non lectivos de cada conceyu. Porque, según la normativa, cuando una o dambes fiestes locales coinciden con díes non lectivos del calendariu escolar, los Conseyos Escolares pueden aprobar les xornaes que los sustituyan.
Asina, por casu, en Xixón nun va haber clase’l 11 d’ochobre y el 18 d’abril, en sustitución del 1 de marzu (que yá ye non lectivu) y el 29 de xunu, cuando’l cursu yá remató.
N’Avilés aprobóse que sía non lectivu’l 2 de marzu, pel día 1, que ye festivu. La segunda fecha, el 18 d’abril, caltener ensin cambeos. N’Uviéu nun precisen aprobar nueves feches, una y bones los dos díes aprobaos, el 21 de setiembre de 2021 y el 7 de xunu, nun coinciden con nenguna fiesta.