La Dirección Xeneral de Personal Docente «ta analizando» el pidimientu que-y treslladó’l colexu públicu Aniceto Sela de Mieres y que consiste n’ampliar la media xornada del maestru de Llingua Asturiana. Ye la curtia respuesta dada pola Conseyería d’Educación énte la reclamación fecha pública per parte de l’asociación de padres d’alumnos (AMPA) y del sindicatu Suatea.
Los padres de los escolinos afirmen que’l cursu pasáu’l centru disponía d’una profesora de Llingua Asturiana a tiempu completu «con menos unidaes de les que tenemos nesti cursu, polo que nun entendemos qu’agora haya xuna docente a media xornada. Eso déxanos con grandes faltes que-y solicitamos igüe lo primero posible posible», reclamen na misiva unviada a titular rexonal d’Educación, Carmen Suárez. El citáu sindicatu afirma que los afectaos son 42 alumnos d’Infantil.