El cine Cine Fantasio de navia va acoyer esti vienres 18 de payares, a les 20,30 hores la representación de ‘Cuartetu’ d’Hixénicu Papel Teatru.
Inspirada en Les Amistaes Peligroses de Choderlos de Laclos, Cuartetu ye un duelu dialécticu impulsáu por llatíos de pasión, amor, odiu, guapura, destrucción, prestar, muerte, intelixencia, dolor, xuegu, crueldá, prevocación, temblón y éxtasis.
Un combate verbal llenu de rotundidá y potencia ente dos de los meyores intérpretes de la escena asturiana, Alberto Rodríguez y Cristina Puertes, magníficamente acompañaos polos músicos Cristina Gestido y Mario Bernardo respectivamente viola y pianu, y pola baillarina Maite Suso.
Navia, 18/11/2022 20:30
Cine Fantasio
Navia