El Conceyu de Xixón, por cuenta de la celebración del Día Mundial del Mediu Ambiente’l 5 de xunu de 2020, entama’l 9.º Certame de Cuentos sobro Mediu Ambiente. Pretende ponese en valor la guapura de la nuesa redolada natural y la biodiversidá y, d’esta forma, concenciar sobro la importancia del so cuidu.
1- Temática
- Les neñes y neños de segundu ciclu d’Educación Infantil van poder participar con un dibuxu.
- L’alumnáu d’Educación Primaria y d’Educación Secundaria Obligatoria va participar con cuentos.
- Nesta edición, queremos que los cuentos y dibuxos amuésennos como nos gustaría que fora Asturies en 2040, y como podemos faer qu’esi suañu faiga realidá.
- Les aventures y dibuxos van tener relación con Xixón, la xeografía asturiana, o con espacios como’l Xardín Botánicu Atlánticu, les sableres, el Monte Deva o l’Acuariu. van valorase la creatividá, la orixinalidá y la relación ente la hestoria propuesta y la redolada natural de la nuesa rexón o dalgunu de los espacios propuestos.
- La imaxinación de quien participen va contribuyir a configurar el nuesu futuru.
2- Participantes
Van Poder participar nesti certame les alumnes y los alumnos que cursen estudios de segundu ciclu d’Educación Infantil y d’enseñanza básica nos centros educativos de Xixón mientres el cursu 2019-2020.