Nel Boletín Oficial del Principáu d’Asturies del miércoles 9 d’avientu publicóse la resolución de concesión de subvenciones pa promoción de la música n’asturianu y gallego-asturianu. Son 7 proyectos con un importe total de 17.212,54 euros.
Na resolución d’esti añu namái tres de los proyectos son individuales, axuntando los otros cuatro interpretaciones de varios autores. Los 7 CD suvencionaos son “Que nun t’aborreza la naturaleza” de Petit Pop, “Con estes y otres palabres” de Fernando Valle Roso; el CD llibru “A guerra ds mundos” del grupu Bacotexo de pop-rock en gallego-asturianu; y los recopilatorios “Bestiariu”, “Cuenca del Caudal, 18 aniversariu”, “XX Concurso de la Nueva” y “Viendren 2015”.
L’oxetu d’esta llinia d’actuación ye la concesión d’ayudes económiques en réxime de concurrencia competitiva a empreses privaes (persones físiques o xurídiques) que presenten proyectos discográficos onde l’asturianu y/o gallego-asturianu seya la llingua normal y vehicular na qu’aparezan les lletres de los cantares y tolos testos impresos o dixitales qu’acompañen la obra musical. A lo menos la metá de los temes del discu han tar escritos y cantaos en dalguna d’eses llingües.
La resolución de la concesión de les subvenciones pa promoción de la música puen consultase nel BOPA.
