Esti llunes 26, Andecha Astur homenaxeó a Andrés Solar, nel cementeriu de Deva, reivindicando la so figura como presona y como nacionaliegu asturianu.
A les 13 hores, y nel Cimenteriu de Deva (Xixón), Andecha Astur reivindicó esti llunes 26 la dimensión nacionaliega d’Andrés Solar Santurio, “escritor de merecíu y reconocíu prestixu nel ámbetu lliterariu asturianu del que por embargu suel tapecese’l so fondu compromisu políticu que lu llevó a ser miembru fundaor del Ensame Nacionalista Astur, presentándose por esi partíu como candidatu a la Xunta Xeneral, y siendo en tou momentu un referente pola so implicación, capacidá de trabayu y cualidaes presonales”.
Andrés Solar recibe tamién l’homenaxe añal de la sociedá civil asturiano al traviés de los premios que lleven el so nome y qu’ufre tolos años la Xunta pola Defensa de la Llingua (XDLA).