Esti martes 15 d’ochobre, a les 19:30: Inaciu Iglesias, vocal d’Empresariáu, y la escritora Esther García van participar xunta otros representantes de la sociedá civil nun alderique sobre la oficialidá qu’entama la Sociedá d’Amigos del País d’Avilés.
La cooficialidá va ser oxetu d’esti alderique nel que collabora LA NUEVA ESPAÑA d’Avilés, cola Universidá d’Uviéu y la Sociedá d’Amigos del País. Embaxo’l títulu de “La cooficialidá a alderique” van Participar Esther García, autora ya integrante de l’Academia de la Llingua Asturiana; l’empresariu Ignacio Iglesias, l’economista Diego Barceló y el profesor Celso Otero. Va Moderar la sesión Francisco L. Jiménez, periodista de LA NUEVA ESPAÑA.
L’actu va celebrase nel Centru de Servicios Universitarios na cai Ferrería, 7, n’Avilés.