La Casa de Cultura de Bual va acoyer esti vienres a les 19 hores un alcuentru col narrador Alberto Castro Gión.
Alberto Castro Gión (Navia, 1983) ganó dellos premios lliterarios de narrativa en gallego-asturianu: el primeru en 2011, añu nel que ganó’l XXI Premiu Xeira de Narracióis Curtias, hasta 2020, cuando s’alzó col I Concursu de Coronacontos que convocó l’asociación Xeira y tamién el de microrrelatos convocáu pola Conceyalía de Cultura de Navia. Publicó collaboraciones na revista Trabatel y nel volume colectivo Que nun se perda nel aire, publicáu pol Gobiernu del Principáu d’Asturies en 2016.
En 2021 resultó ganador del I Premiu Quiastolita de Lliteratura Infantil y Xuvenil en gallego-asturianu, convocáu pola Fundación Parque Históricu del Navia, con Bandeira moura, una hestoria de pirates enllena d’aventures.
Boal, 18/11/2022 19:00
Casa de Cultura de Bual
33720 Bual