Hasta’l 30 de mayu, de manera presencial o telemática va tar abiertu’l plazu para solicitar ayudes n’Avilés al entamu d’Actividá Empresarial.
El Conceyu d’Avilés abrió’l plazu de presentación de solicitúes na convocatoria d’ayudes económiques para l’Entamu d’Actividá Empresarial, que van poder ser presentaes hasta’l 30 de mayu. Empobinaes a persones desemplegaes qu’empecipiaren una actividá empresarial n’Avilés mientres la primer metá de 2017, la cuantía máxima de l’ayuda ye de 2.000 euros.
Les ayudes tán dirixíes a persones desemplegaes qu’empecipiaren una actividá empresarial n’Avilés, con un local que permaneciera abiertu al públicu ente’l 1 de xineru y el 30 de xunu de 2017.
La cuantía máxima de l’ayuda, de 2.000 euros, tando dirixida pa sufragar los gastos derivaos del entamu de l’actividá como costos d’arriendu, certificaos de seguridá, seguros del local, altes en suministros, compra de mercaderías y esistencies pal desenvolvimientu de l’actividá. La cantidá global máxima prevista na presente convocatoria xube a 25.000 euros.
El plazu de solicitú d’estes ayudes remata’l 30 de mayu, y tanto les bases como los modelos de solicitú atópense disponibles nel Rexistru Xeneral del Conceyu d’Avilés (Serviciu d’Atención Ciudadana); na Sección de Promoción Empresarial, allugada nes instalaciones del Centru d’Empreses La Curtidora; y na see electrónica municipal.
Bases convocatoria ayudes empecipio actividá empresarial Avilés 2018