La Confrería del Desarme d’Uviéu, en collaboración cola Asociación d’Escritores d’Asturies y l’asociación Asturies, Capital Mundial de la Poesía, convoca l’I Certame Internacional de Poesía ‘El Desarme en versu’ cola fin d’aunir gastronomía y lliteratura en redol a una fiesta gastronómica que’l so orixe remontase a 1836.
Con tal iniciativa, la Confrería pretende que, por mediu del inxeniu lliterariu, pueda espublizase la hestoria de tala celebración, declarada Fiesta d’Interés Turísticu del Principáu d’Asturies; los principios que’l Desarme engloba y defende (paz, reconciliación, confraternización); el llabor de el guardianes de la tradición’ qu’exercen los cofrades y embaxadores del Desarme; les excelencies gastronómiques qu’ufierta’l menú (garbanzos con bacaláu y espinaques; dureces a l’asturiana; y arroz con lleche); y la vinculación secular del Desarme cola ciudá d’Uviéu, capital del Principáu d’Asturies.