Los bonos de 10 películes de La 53 edición del Festival Internacional de Cine de Xixón (FICX) punxéronse esta selmana a la vienta nes taquilles del Teatru Xovellanos al preciu de 30€. Esti bonu te dexa, trocando en taquilla la pestaña pola entrada correspondiente, l’accesu a tolos pases del Festival de Cine sacante gales y les películes d’inauguración y clausura. Tamién va poder aportase a los pases de prensa y acreditaos hasta completar aforu, presentando directamente’l bonu al responsable de la sala.
Una de les novedaes d’anguaño ye’l bonu de 10 películes col Carné mozu, que tien un preciu de 20€. El funcionamientu ye igual al anterior, sacantes va ser imprescindible que presentes el Carné mozu y el DNI correspondiente nel momentu d’adquirir la entrada.