Xuristes pol Asturianu ve contradicciones cola Llei d’Usu nel Reglamentu universitariu recién aprobáu

L’Aconceyamientu de Xuristes pol Asturianu, fizo públicu un comunicáu nel que daben la so opinión sobre’l proyeutu d’un “Reglamenteu sobre presentación y receición d’escritos en bable/asturianu nel Rexistru de la Universidá d’Uviéu”, aprobáu en Conseyu de Gobiernu de la Universidá la selmana pasada.

Xuristes llamenten que “de la cimera institución académica del país surda un testu xurídicu tan probetayu”, que, alvierten, “enantes de que pase a les páxines del BOPA, que tol conteníu del párrafu 3 y la parte cabera del 2, entrambos del artículo 2 del talu Reglamentu, enxunto coles referencies a los mesmos notres partes del documentu, son nulos de planu por pretender aminorgar, nun testu reglamentariu, el conteníu d’un drechu –el d’empobinase al Principáu d’Asturies, de pallabra o per escritu, con validez a tolos efeutos, y ensin esceición dala per razón de la materia- proclamáu nuna llei, la 1/1998, d’usu y promoción del bable/asturianu (artículu 4), en claru incumplimientu del principiu de xerarquía normativa recoyíu nel artículu 9.3 de la Constitución”.