Esti llunes a la una la tarde, el filólogu Xuan Santori presentó dientro de los actos programaos en LlibrUvieu 2006, el so llibru ‘Milenta Voces (Visiones del Surdimientu)’, editáu por Trabe, como resultáu d’un observatoriu pa ver la evolución del procesu de recuperación cultural del asturianu.
Xuan Santori (Uvieu, 1968) ye llicenciáu en Filoloxía Inglesa. Tien publicaos tres llibros de poesía: Zunes, 1998; Les inconveniencies de la especie, 2000 y Bis a bis, 2004. Amás de les traducciones Poesía epica anglosaxona (1999) y Una vez n’Europa (2000) de John Berger, ye autor d’Alministrar la tierra. ¿Que ye que ye la ecología? y Mercar pa vivir. ¿Que ye que ye’l consumismo?