El miércoles pasáu a les siete la tarde na Casa Cultura de Ribeseya entregósel Premiu Arbidel de lliteratura erótica, que nesta primer edición foi pa Xosé Nel Riesgo y David Rivas, con unes cantidaes de 1.000 y 300 euros respectivamente.
La obra de Riesgo titúlase De bandera, mientres que la de Rivas lleva por títulu Boedica y doña Nuria. La entrega celebróse dientro de los actos de la 1er Selmana Ribeseyana de les Lletres, que’l conceyal de Cultura de Ribeseya, Juan González Martino, comentó nun vidiu p’Asturnews, dando por segura la continuidá d’estos actos en futures ediciones, lo mesmo que del premiu Arbidel.
La selmana de les lletres cuntó coles conferencies de Xuan Xosé Sánchez Vicente, Inaciu Galán y Marta Mori d’Arribada.